හිමි අහිමි ඔබේ පෙම

ළමා වියෙන් ඇරඹි
මරණයෙන් වත්
කෙළවර නොවූ
ලොව දනන් මුවග
එදා මෙදා තෙක්
ලොව පවතිනා තුරු
කියැවෙන , කියැවුණු
පෙම් පුවත් සියල්ලම
ශොඛාන්තයකින්ම
නිමැවුණු වග දනිමි..
සිතාවනි, දැනසිටියාද නුඹ
දනන් හඩවත්හි නුඹ
ගැන මෙතරම්ම
 කවි ලියැවෙනා වග?
කුළගොත් නොපෑහී
ආදරේ  නාමෙන් දිවි පිදූ
රෝමියො ජුලියට්
අදත් ඔබ නමින්
ලියැවෙනා වග
නොයෙක් පදරුත්?
විඳවන විඳවූ හීත්ක්ලීෆ්
වියරුවෙන් පෙම් කළ
මරණයෙන් වත් සැනසුමක්
නැති නුඹට අරුමයක්ද
මේ වැණුම්?
මියැදෙන තෙක් ඔබ නමින්
ඉදිකළ ටජ්මහලට
නෙතු යොමා සිටි
ශා ජෙහාන්ගේ
නොනිමි පෙම දනීද ඔබ?
ශෝඛාන්තයෙන් කෙළවර වූ
පෙම් පුවත් අපේ
සිත් සතන් වල
මේ තරම්  බැඳීමක්?
ශෝකාන්තයක් හෝ
සුඛාන්තයක් නොවන අපේ
පෙම් පුවත රැඳේවිද මුවග
අපි දත් නොදත්
දනන්ගේ මුවග?
හිමි අහිමි පැතූ නොපැතූ
සදාකාලික පෙමක් ගැන
කියාවිද කවුරුන් හෝ
අපි යළිත් මුන නොගැසෙන දිනෙක?